الموضة اليومين دول ..
اليومين دول الناس بقت روشة طحن طحن طحن و انا اروش واحدة فيكو ,كل واحد عايز يبقي روش يختلف عن الناس في حاجة فالناس تبدأ تنتبهلو و تديلو اهتمام فيقلدو ناس كتير عشان يبقو روشين بقي هما كمان ,
من اكتر الموضات المنتشرة اليومين دول بالذات هيا الألحاد انك تبقي انسان ملحد مؤمن ان مفيش حاجة اسمها ربنا !!
انا اكيد مليش شخصية اني ادخل في حريتك لو انتا دي وجهه نظرك و مقتنع بيها تبقي انتا مية مية انتا حر ,لكن انك تبقي واخدها موضة و موضة كمان بينك و بين نفسك اللي هوا اخرك تكتب كام تويتة تتحدي فيهم ربنا و تبين فيهم انك شاب ملحد و جامد فشخ لكن قدام اهلك انتا ابدااا متقدرش تفتح بوءك بحاجة من التويتات اللي انتا فخور انك بتكتبها !!,
غير كدا بجاحتك الغير مبررة و اللي ناتجة عن جهل شديييد في ردك ع الناس اللي بتنتقدك اللي هوا انا هقنعكم بوجهة نظري بااي طريقة انا ولا قاري في ديني و لاعارف اي بتنجان و بتكلم بجهل و تخلف بس مش مهم المهم اني روش !
عموما هيا ظاهرة بقت منتشرة جدا اليومين دول بشكل يخوف !
موضات تانية ع الماشي :
انك تبقي شاب اولتراس و انتا اساسا عمرك ما عتبت الاستاد دا
او شاب فوتو جرافر و تعمل بيدج ع الفيسبوك معرفش اية بتنجانة فوتوجرافر
او مودل و خلاص بقي المزازة (جاية من مز) مقطعة نفسها وانتا اصلا شبة بطن رجلي
دا بالنسبة للولاد ,, بالنسبة للبنات
:
برضو حوار الكورة بالذات من بعد اعلان دوريتوس بتاع (اصل الواد دا اناني) هوا اينعم انا كمان بحب الكورة و زملكاوية فشخ و بحب اروح الاستاد و الجو دا بس مش محدثة و لا محدثة (بفتح الدال ) يعني مش بتكلم عن الحوار دا كتير و لا جديدة في الحوار انا زملكاوية فشخ ومن صغري بحب اتفرج ع الكورة و اروح الاستاد و مهتمة بيها
موضة تانية انك تنزلي الحسين ولا النمرسي تجيبيلك شوية خرز و خيط و تعملي بيدج ع الفيسبوك برضو بتنجانة اكسيسوريز
و الموضااات لا تنتهي عندنا احنا البنات بالذااات و يؤسفني اقول ان
:
حتي الحجاب بقي موضة تلبس الحجاب عشان صاحباتها كلهم اتحجبو او عشان تتجوز بقي فالعرسان يقولو ياااة شوف التقوي اهي دي انسانة محجبة و مؤدبة ميعرفوش انة مش بالحجااب بجد ولا اما واحدة تتخطب و خطيبها يقولها اتحجبي مانتا خاطبها و هيا مش محجبة
!!
ما علينا دي كانت شلحة عن موضات بلدنا و روشنة شعبها
(Y)
ReplyDelete