متطلعوش الفيمينست اللي جوانا بقي ,,

بداية كدا انا مش فيمينست و الانئح (الانقح ) انا بكرة البنات اصلا و رأيي انهم كائنات دمها تقيل و مصطنعة (انا الاكسيبشن وش ) و كان نفسي ابقي ولد اصلا بس هييييح اادي الله و ادي حكمتة  !

بما اني اتخلقت بنت بقي و خلاص فا دا مش معناة ان حقي يضيع و اضيع عمري كدا من غير ما احس اني استمتعت بية ,,الاستمتااع بقي بالنسبالي كلو ممنوع عشان انا بنت (بجد بكرهني ) بوف 

حد يقولي اخلصي عايزة اية يعني ! اقولك نفسي مثلا :

امشي في الشارع كدا زي مانتو بتمشو مش عاتلة هم لا تحرش و لا معاكسات أبيحة ولا تخلوني ماشية بصة في الارض بأقصي سرعة للمشوار اللي انا رايحاه ! 

 نفسي اسهر في الشارع مع صحابي لحد بلييل من غير مايتقال عليا (سافلة ) انا اصلا كائن ليلي مبحبش اخرج الصبح اشاسا 

نفسي اسافر انا و صحابي لوحدنا من غير ما حد كبير يجي معايا و الكلام الهالك دا 

انا مبشربش سجاير بس نفسي نظرتكو تتغير للبنات اللي بتشيش و بتشرب سجاير !

نيجي بقي للموضوع المهم ! اللبس ! و حياة امك بقي انا بتنرفز من الحوار دا اوي انتا مين يا خرية انتا عشان تخليني مش عارفة البس اللي البسو !! 

محجبة مش محجبة انتا مال امك بجددد ! (اية دا انا سخنت كدا لييية ) !!! 


بجد نفسي اغوزوكو ياللي بتتحكمو فينا و في لبسنا ,, و اللي يغيظ انكو مبتعتقوش ولا محجبة و لا مش محجبة شغالين ع كلو ماشالله ,, قالك اايية البسي محترم و انتي متتعاكسيش ! طيب مش هاقولك انتا مال امك تاني بس هاسألك اية مقياس الاحترام عندك ! طب ما ممكن مقياسك للاحترام يبقي مش علي كيف واحد غيرك و شايفة مش محترم ! هالبس ع كيف كيفكو بقي ولا اييية !! بينلي بوكسرك انتا و اتحكم في لبسي ! 

الناس بقت زبالة اوي اليومين دول والله و الفاظكو بقت زباااالة محرومين ااة انا عارفة بس انا مال امي الظروف الاقتصادية خرا علينا و عليكو بتطلعوة علينا ليية دا بالعكس انتا ظروفك وحشة و متجوزتش عادي انا متجوزتش عانس وش و اللي هوا روحي انتحري بقي  ! 

كل يوم ابقي نازلة من البيت حاطة في دماغي خطة لو حد دايقني هاعمل كذا و هسوي كذا و هالم علية الناس ,, لكن الكلام دا بيبقي في دماغي بس طبعا في الواقع بتكسف و الاقيني سكت ومتكلمتش و ارجع مخنوقة البيت اني مخدتش حقي !  و بقول يعني حتي لو عليت صوتي علية و لميت علية الناس حد هيعملو حاجة ! هيقولك دي بت سافلة لابسة مش عارف اية و بتشتم و تعلي صوتها في الشارع ! السكوت احسن بقي ولا لأ  ( ياعالم يازباااالة ) ايو ا انتو اي حد يشوف واحد بيدايق واحدة و ميتكلمش يبقي زيالة و حاجة تانية كمان معروفة...

هوووف ايية الكبت اللي جوايا داا اخرتي وحشة والله ربنا يستر ..