أيديا في جيوبي ..

وحدي لكن ونسان و ماشي كداا علي رأي الكينج منيير (انا مش منيرية و لا بتنجان ) ...المهم انا جات عليا فترة في حياتي دخلت علي سنة تقريبا كنت فيها متقوقعة الي حد ماااا و عايزة ابقي مع  بنفسي لدرجة صحابي بدأو يشكو اني جالي توحد..

 في ا الفترة دي انا كنت بنزل اجيب لبس لوحدي و اروح اقعد في كافيهات لوحدي و دخلت السينما لوحدي و كمان مرة دخلت الاستاد لوحدي( اااه ماهي ظاااطت بقي) .. اللي هوا رايحة اخرجني و افسحني و اكلني و كدا ...

معرفش لية فجأة بقيت كدا بس الناس بقت مقرفة فعلا ( لا متخفش مش هأفور و اخش في جو كلهم خونة و انتو مجرد اوغاد حقيرة) ..  بس انا لو عايزة اعمل حاجة و صحابي مثلا ملهمش مزاج يجو او هيجو بس انا من جوايا حاسة انهم ملهمش مزاج بس جايين كداا ليية القرف بقي من الاول !!!,, فكنت باخدها من قصيرها و انزل اقضي مشاويري... 

حاجة طقت في دماغي اعملها دلوقتي هنزل اعملها دلوقتي مش لازم تستني اما حد يبقي فاضي و يقول لمامته الاول و الهلك دا .....سبب تاني للتوحد دا اني ببقي عايزة اجرب الاحساس عايزة اجرب احساس ادخل سينما لوحدي (كان جامد فشخ) احساس اني اروح الاستاد لوحدي (كان غريب فشخ ) بس اتبسطت بالتجربة (ريلي يعني )..

  اللي ساعدني ع التقوقع دا اني كائن اصلا مش رغاي (اة والنيعمة صدقوني) انا ولا ليا في الهري و العجن و اما حد بيقعد يرغي معايا كتيير غالبا بسرح منو مبطولش معاة في التركيز ...بس عيبو ان بترجع لصحابك بالبطيء يعني مش بعد التوحد دا كلو ترجعلهم بسرعة كدا عادي ولا كأن حصل حاجة لا بتاخد فترة ع بال ماترجع زي ماكنت مطحون وسطهم ووسط حواراتهم الفكسانة احنا البنات بالذات حواراتنا مبتخلصش احييية بجد اللي صاحبت و اللي اتخطبت و اللي فسخت و لييلة فبرجع اتعك تاني و اندم اني رجعت والله بس ..لازم ارجع لحسن اتجن ولا حاجة 

نصيحة لازم تجرب تروح حتت لوحدك و تجرب احساس تأمل كدا و هدوء انك مع نفسك محدش قارفك برغية و حواراته ..